projector

బొమ్మ 1

సినిమా థియేటర్లో మనం చూసేది ప్రతి సెకను తెర మీద కదులుతున్న బొమ్మలు కాదు ఒక దాని తర్వాత ఒకటి మారుతున్న కొన్ని నిశ్చల చిత్రాలు. ప్రతి సెకనుకు 24 నిశ్చల చిత్రాలు (వీటినే ఫ్రేములు అని సినిమా పరిభాషలో అంటాము) చూస్తాము. అంటే ప్రతి రెండు ఫ్రేముల మధ్య 0.5x(1/24) = 21 ms (మిల్లీ సెకన్లు) ఎడమ వుంటుంది (బొమ్మ 2). అంటే  ఫ్రేముకి  ఫ్రేముకి మధ్య  21 మిల్లీ సెకన్ల సేపు మనం అంధకారం చూస్తాము. రెండున్నర గంటల సినిమాలో మనం  ఫ్రేములు చూసేది 75 నిమిషాలే, మిగతా 75 నిమిషాలు మనం చూసేది చీకటి, అంధకారమే! మరి మనకు చీకటి చూసినట్టు అనిపించదు. ఎందుకు?

24fps

బొమ్మ 2

ఎందుకంటే అది “Persistence of vision” అని మన పూర్వీకులన్నారు. “Persistence of vision” అంటే ఏంటో చూద్దాం. మన కన్ను ఒక దాని తర్వాత ఒక నిశ్చల చిత్రాల(ఫ్రేముల)ను చూస్తున్నపుడు, రెండు చిత్రాల మధ్య వున్న చీకటి సమయంలో చీకటికి ముందు చూసిన ఫ్రేము అంటే రెటినాపై ఏర్పడ్డ ఫ్రేము బొమ్మ రెటినాపై అలాగే కాసేపు నిలిచిపోయి తర్వాత వచ్చే ఫ్రేముతో  smoothగా కలిసిపోతుంది. అలా చలన చిత్రంగా చూస్తాము. కాని చలనానికి సంబంధించిన perception mindకి సంబంధించినది అని Max Wertheimer అను ఒక సైకాలజిస్టు 1912 లో నిరూపించాడు. ఆ వివరాల్లోకి వెళ్ళకుండా కొన్ని ఉదాహరణలను చూద్దాం.

Duchamp_-_Nude_Descending_a_Staircase Duchamp-photo-1952

బొమ్మ ౩: (అ): “Nude Descending a Staircase, No. 2” చిత్రం; (ఆ):  ఫోటోగ్రాఫర్ Eliot Elisofon 1952లో Marcel Duchamp మెట్లు దిగడాన్ని కెమెరాలో బంధించిన ఫోటో

1912లో ఫ్రెంచి కళాకారుడు Marcel Duchamp ఒక చిత్ర రచన చేసాడు. ఆ చిత్రం “Nude Descending a Staircase, No. 2” అని ప్రసిద్దం. ఈ చిత్రంలో (బొమ్మ ౩అ) కనిపించినట్టు సినిమా కనిపించాలి మనకు ఎందుకంటే “Persistence of vision” ప్రకారం రెటినా పైన నిలిచిపోయిన ఫ్రేము బొమ్మ తర్వాత వచ్చే ఫ్రేము బొమ్మతో కలగలవాలి. అంటే బొమ్మ ౩ఆలో చూపించినట్టుగా. కాని అలా కనిపించదు కదా. కాబట్టి “Persistence of vision” ఒక మిథ్య.

ఇంకో ఉదాహరణ బొమ్మ 4. “Persistence of vision” ప్రకారం ఈ బొమ్మలో ఆ వలయాలు తిరుగుతున్నట్టు కనిపించకూడదు. కాని మనకు చలనం కనిపిస్తుంది. అందుకే “Persistence of vision” ఒక మిథ్య. ఐతే సినిమా పాఠ్యపుస్తకాలు  (Andre Bazin 1967లో వ్రాసిన What is Cinema?, Vol. I తో సహా) “Persistence of vision” వల్లే మనం చలన చిత్రం చూడగలుగుతున్నామని పేర్కొంటున్నాయి. ఈ విషయాన్ని గర్హిస్తూ Joseph మరియి Barbara Andersonలు ఒక వ్యాసం వ్రాసారు.

blue_white

బొమ్మ 4

ఇంతకీ చలన చిత్రం వెనుక వున్న రహస్యం ఏమిటంటే “short-range apparent motion” అను ఒక illusion. Short-range apparent motion థియరీ ప్రకారం:
1. ఈ illusion ఫ్రేముకు ఫ్రేముకు మధ్య అంతరం పెరిగితే కనిపించదు (ఉదాహరణకు ఫ్రేముకు ఫ్రేముకు మధ్య 1 సెకను నిడివి వుంటే ఈ చలన చిత్ర భ్రమ కలుగదు).
2. చలనచిత్రంలో చలనం ఒక illusion (భ్రమ అనొచ్చేమో)
3. మనకు కలిగే చలన భ్రమ mind (visual processing)కి సంబంధించినది
4. short-range apparent motion వల్ల కలిగే భ్రమను నిజమైన చలనమును వేరువేరుగా మనం గ్రహించలేము (ఒక భయంకరమైన నిజం!!).

Artist Marcel Duchamp walking down a flight of stairs in a multiple exposure image reminiscent of his famous painting “Nude Descending a Staircase”
Location: New York, NY, US
Date taken: 1952
Photographer: Eliot Elisofon
ప్రకటనలు